Portland u finalu Zapadne konferencije NBA lige

 Simultanka beka Portlanda Si Džej Mekaluma u "Pepsi centru", Denver nije iskoristio prednost domaćeg terena u majstoriji polufinala Zapada NBA lige

 

Portland će u finalu Zapadne konferencije NBA lige igrati protiv Golden stejta.

"Trejblejzersi" su u majstorici polufinala slavili protiv Denvera, usred Kolorada - 100:96, za konačnih 4:3 u seriji.

Briljirao je Si Džej Mekalum, koji je ubacio sa 37 poena (17 od 29 iz igre), od čega 14 u trećoj četvrtini, kada su se gosti vratili u meč, nakon što su u prvom dijelu imali i 17 poena minusa.

Nikola Jokić je odigrao još jednu sjajnu partiju za Denver - 29 poena i 13 skokova, ali nije imao podršku saigrača, prije svih Džamala Mareja, koji je tek u finišu sa linije penala "napumpao" učinak na 17 poena, nakon mnogo promašenih šuteva iz igre.

Sjajni Mekalum je, s druge strane, nadomjestio loše košgetersko veče Demijena Lilarda, koji je ubacio 13 poena i bio daleko od svog uobičajenog nivoa.

Izvor: vijesti.me

PrintEmail

Offers and bonuses by SkyBet at BettingY com

Facebook Fan page